«Plantexar»

Nin plantear, nin plantexar, aparecen no diccionario da Real Academia Galega. Non é correcto pois usalo en galego. Debe ser substituído por palabras como formular, suscitar, presentar ou propor. Durante a carreira de xornalismo, na asignatura de Galego Oral, a profesora Carme Hermida, insistiu moito nestes casos e a min non se me esqueceu.

O problema é que podemos ler, e escoitar a palabra plantexar en todos os lados; inclusive en declaracións de políticos nacionalistas ou galeguistas, en xornalistas, xornais dixitais, tweets... Escoitei tantas veces e en tantas e diversas bocas a palabra plantexar que xa me estou eu a plantexar se non sería mellor que fora incluída na normativa e esquecernos de que algunha vez foi un castelanismo.

Pero iso xa non depende de min.

239