4.01.2012

Tórcete e Berra

Se o pasado venres día 23 demos parte da apertura do Furancho de Arte Contemporánea en Santiago de Compostela, esta semana tocoulle ás Rías Baixas. Asistín en calidade de pinchatunes a unha península que pende do continente europeo chamada O Grove. Alí inaugurouse o Twist & Shout, un clube de música que, baixo a batuta dun rapaz mozo, inquedo e con moita culturadeseu, pretende achegar o mellor da música emerxente a esta vila coñecida coma o paraíso do marisco.

Se ben a industria turística con base gastronómica, estacional, submariña e colareira do lugar, está asentada, organizada e avalada polas autoridades pertinentes en cada materia, a idea de vivir e sacar adiante un clube que aposte pola música ao vivo e a calidade en todas a súas posibles manifestacións hostaleiras, eche algo máis complicado. Require de tempo, paciencia e por suposto, de cartos.

Con este espirito e para comezar esta andaina o día 5 (Xoves) estarán os Telephone Rouges máis Disco Las Palmeras!, rematando co pinchadiscos Motocross o muerte, e o día 6 (Venres) desta semana festiva estarán Morlans e Aries, e logo Charly Raw e Gonzalo Bea pra rematar a noite. Alí estaremos. Esta fin de semana poderedes ler todo o que ocorreu alí, ou achegarvos e velo por vos mesmos.

Podedes adquirir os bonos para os dous días (12€) na tenda A Reixa (Compostela), Gato Gordo (Pontevedra) ou en Metropol (O Grove).


No hay comentarios:

Publicar un comentario



Related Posts Plugin for WordPress, Blogger...